Ibu-Ibu keur Ngarupat

Ibu-Ibu keur Ngarupat

Karya: Aosin Suwadi

Kepada para pembaca yang budiman!  Mohon maaf saya minta izin untuk ikut mengapresiasi dan melestarikan budaya (bahasa sunda) melalui forum ini.

Di hiji kampung aya warga nu katelah atanapi kasohor pedah ku kasugihanna. ArI sakolana teu lhur-uhur teuing sih. Nya ari SMP wae mah lulus. Tapi kakayaanna edas, bru di juru bro di pato teh memang kitu kanyataanana. Urang dinya mah sadayana ge serabeun ku kakayaan manehna. Usahana sudagar munding, nyaeta tukang ngirim munding ka padagang-padagang daging nu aya di unggal pasar. Nanging hanjakal istrina buta huruf teu tiasa maca-maca acan, sareng teu ngartos pisan. Ah pokona mah bodo pisan. Nanging sok sanaos bodo, anjeunna teh percaya diri pisan. Upami aya nu ngobrol sok ilubiung bae.

Dina hiji poe, aya ibu-ibu ngarumpul di gardu keur ngpbrolkeun masing-masing kahirupana, make basa cohag. Si istri sudagar ilubiung.

Ibu I	:	“Lain, euy ari salaki maneh gawe naon kitu?” (Nanya ka Ibu III bari rada beud)
Ibu II	:	“Iiiih... ari maneh teu nyaho kitu? Pan salaki si eta mah tukang bisnis, nya pantes loba duit oge. Na kunaon kitu:” (Bari sinis jeueng sarua baeudnana)
Ibu IV	:	“Bisnis kutil nya? (Bari seuri ngabarakatak)
Ibu I	:	“Eta bejana cenah kamri tas meuli TV badag. Cenah mah layarna ge mani sagede tembok! Nya kitu? Uing mah jadi hayang nyaho euy!”  (Bari angger sinis jeung baed)
Ibu III	:	(Teu ngajawab, tapi beungeutna beureum geuneuk nahan nafsu)
Ibu I	:	“Sabaraha regana cenah?” (Nanya bari teu ditujukeun ka sasahana)
Ibu III	:	“Nyao teuing ah, da uing mah tara nalungtikan ka salaki.”
Ibu II	:	“Nya pasti mahalna, da nu ukuran sameter satengah bae teu kurang ti limalas juta! Angot ieu mah sagede tembok nya meureun kana 30 jutaan!”
Ibu IV	:	“Ah, piraaaaku, harga TV wae mani 30 juta, uing mah rada teu percaya!” (Bari ngabalieur)
Ibu II	:	“Iiii ari maaaaneh, jiga nu teu nyaho harga jaman ayeuna, salaki aing ge kamari meuli korsi tamu pan 17 juta!” (Ngabelaan ibu III)
Istri Sudagar	:	“Ih, geuning korsi teh mani murah kitu nya?” (Kaget ku harga korsi nu dianggapna murah)
Ibu I	:	“Naaa ari maneh bet ngomong kitu, memangna ari harga korsi sabaraha kitu? Saratus juta?”
Ibu IV	:	“Tilu ratus juta sugan!” (Bari ngabarakatak)
Sakabeh Ibu	:	(Saleuseurian ting cikikik, tingbarakatak, malah mah aya nu ngompol sagala)
Istri Sudagar	:	“Maraneh mah tara percayaan, Lain cenah lain beja iyeuh, salaki kuring teh meuli korsi leuwih ti samilyar!”
Ibu I	:	“Coba, coba caritakeun nu jelas. Panasaran aing mah!”
Sakabeh Ibu	:	(Jarempe, hayang ngadengekeun jawaban Istri Sudagar)
Istri Sudagar	:	“Kamari basa ngobrol jeung pa Lurah, cenah salaki kuring teh geus ngaluarkeun duit samilyar, keur meuli korsi. Sakitu ge korsina acan dikirim keneh. Berarti pan harga korsina leuwih ti samilyar!”
Sakabeh Ibu	:	(Saleuseurian ting cikikik, tingbarakatak, jiga tadi, ngeun bedana ayeuna mah leuwih rongkah, nu ngompolna ge leuwih loba)
Istri Sudagar	:	(Colohok ngembang kadu, bakat ku teu ngarti)
Sakabeh Ibu	:	(Balubar, ninggalkeu Istri Sudagar, bari angger saleuseurian)
Istri Sudagar	:	(Rempah rempih rek ceurik bakating ku isin. Ngan untun kaburu datang bu RT, ngajelaskeun korsi nu hargana leuwih ti samilyar)
Bu RT	:	“Pameget ibu mah meser korsi oge sanes korsi kanggo di ruang tamu! Eta mah korsi ge mung istilah wungkul kanggo anu kapilih jadi anggota Dewan. Pameget ibu pan nyalon Dewan, sanes?”
Istri Sudagar	:	“Ooooooooooooh! (Bari colohok bengong)

            Kumargi tos sonten, bu RT sareng Istri Sudagar naringgalkeun  gardu. Nu aya tinggal barudak nu keur maen kaleci.

Demikian tulisan ini saya sampaikan semoga bermanfaat. Terima kasih atas apresiasinya.