Harewos, Galindeng, tur Koceakna Hate

Harewos, Galindeng, tur Koceakna Hate

Mapay Kronologi  Uyut

16 Januari 2012 dugi 7 April 2014

           Sim kuring teu sangka ari si Uyut,  ti kawit gabung sareng facebook ping 16 Januari 2012 dugi ka 7 April 2014, mani pinuh ku garecokna hate si Uyut. Aya nu mangrupakeun lamunan, hariring, galindeng, harewos, puisi, tepi ka jeritna hate. Upami dilenyepan tur diringkes, eta garecokna hate si Uyut, eusina mangrupikeun pepeling si Uyut ka urang sadaya minangka incu-incuna. Utamana si Uyut teh ngomat-ngomat ka incu-incuna sangkan ngamumule budaya sunda. Langkung ti eta upami teu lepat, si Uyut teh keur ngaji “nya saha ari aing teh, kudu kumaha diri aing teh.” Kalimah-kalimah nu diserat dina kronologi-na, pinuh ku basa-basa nu ngandung filosofi.

                Pikeun lankung ecesna, kumaha garecokna eusi hate si Uyut, ku sim kuring disusun sakumaha nu aya di handap ieu.

DONGENG TUKANG DOKDOK ... Aya sakadang BANGKONG anu keur cicing disisi wahangan mepelingan papada sato nu aya dijero cai. Pokna teh "...heeh batur2, kuring rek ngbejaan ka sarerea... Kahiji:.. .mun manggih kadaharan  dina kawat nu bengkok ulah dihakan, eta teh PANCING ngaranna...!  Kadua:...mun manggih sarupaning rante buleud omat ulah dideukettan,eta teh JALA ngaranna.. ! Katilu:...mun manggih jaring nu ngeueum dijero cai kudu disingkahan,eta teh DOKDOK ngaranna...! Sabot ngucapkeun dokdok, eta Bangkong teh kacida reuwasna...pedah teu disangka dirina sorangan kaangkat ku jaring... Sihoreng mah, basa dirina keur mepelingan papada sato teh kabeneran keur cicing diluhur DOKDOK... Sakadang Bangkong teh ngarasa manggih wiwirang, ari ka batur bisa jeung getol mepelingan,tapi kunaon dirina anu cilaka..? Puguh we atuh...sakur sato cai nu keur karumpul teh pada nyeungseurikeun.......!  Hi..hi..hiii.. !   Sakitu heula sakadar hiburan ti si uyut nya...

Sekar Gending KULU-KULU ( Lrs. Madenda, 4 = Tugu ) Sakawitna abdi mah sugan biasa. Sering sumping sering nganjang teuaya anu diteang. Matak abdi rada reuwas, tumorojog datang wartos. Cenah geuning bade sumping, narosan seja mastikeun. Duka atuh duka...teu kacipta abdi teh kedah kumaha. Isin aduh isin...teu disangka pajarkeun moal enyaan. Naha atuh naha...ti kapungkur henteu langsung nyimpen saur. Ari ayeuna balaka, abdi mah sesah nampina......

" LEMBUR SINGKUR " Tuh itu lembur nu singkur...! Lebakeun pasir nu suni. Anu ngayapak dihandap. Paranti nyirnakeun pikir... Ngabangbrangkeun - kabingbangan. Niiskeun panasna ati... Lembur singkur sisi gunung.Tempat ngancik nu saati. Someah nyaah ka semah. Sepi ti rasa kumaki...Saaleutan - sauyunan. Gemah-ripah, repeh-rapih. Dipasieup pirigan Kacapi Suling < Lrs. Degung, Gending: Mandiri >

Cua ku lampah sorangan, mikahayang sanes tanding ..." Sakapeung abdi sok mikir hayang gaduh elmu ngapumg ... Si Pengkuh tangtuna beunang dijingjing diguwang-gawing. Rek diteundeun ... Di mega nu pangluhurna....!

Basa jauh panineungan,tebih kabingahan ati ... Wungkul pinuh ku lamunan " Anu nyuat-nyuat ati teu weleh kaseuit-seuit " Tungtungna ngahurun balung" Teu sangka atuh teu sangka diri baris nandang peurih " Cuang-cieung, cuang-cieung ..." Tebih ti nu dipicinta ....."

" Urang SUNDA " Tina lalampahan sajarah, kacatet karajaan munggaran di tatar Sunda nya eta Karajaan SALAKANAGARA anu puseur dayeuhna di RAJATAPUTRA ( Kec. MANDALAWANGI - Kab. PANDEGLANG / BANTEN ) th. 130 M. Rajana : DEWAWARMAN LOKAPALA gelar AJI RAKSA GAPURA SAGARA ( 130 M - 168 M ). Rungkadna Kar. Salakanagara th 363 M (Raja DEWAWARMAN VIII 348 M - 363 M ). Dina taun 358 M ngadeg Kar. TARUMANAGARA, puseur dayeuhna SUNDAPURA/BEKASI ( Rajana JAYASINGHAWARMANGURU DHARMAPURUSA SANG MAHARSI RAJADIRAJAGURU, < Minantu DEWAWARMAN VIII > 358 M - 382 M ) ... urang tunda dugi kadieu heula... < ti Tarumanagara ka Pajajaran - Banten >

Ass.wr.wb. Paralun anu kasuhun, amit widi sihaksami. Si uyut bade ngintun saur nunda carita heula pikeun kasadaya kadang wargi anu sami2 pada riungan didieu. Utamina mah patali ku tumampina kana karumaosan si uyut salami ieu, anu panginten kabandunganana ku para kadang wargi teh lir nembongkeun rasa umaing,umangkeuh pedah dina unggal kasempetan teh taya deui iwal ti ngagung2 Seni Budaya SUNDA bae. Padahal mah anu sami2 pada nitenan didieu teh acan kantenan sadayana urang Sunda tur tiasa basa Sunda. Kukituna taya deui paneda ka sadayana mugi tong dijantenkeun rengat manah.Si uyut teu pisan2 niat nyapirakeun kabudayaan baraya2 urang sejenna nu saBangsa jeung saNagara. Mangga urang sami2 ngamumule Seni Budaya urang sewang2an. Pamungkas nu kapihatur,mugi sing dijembarkeun hampurana. Htrnhn

Urang ngahanca deui lalampahan sajarah "ti iraha ayana urang Sunda". Dina tulisan nu kaliwat diebrehkeun yen KARAJAAN MUNGGARAN di TATAR SUNDA nya eta Kar. SALAKANAGARA. Rajana DEWAWARMAN LOKAPALA gelar AJIRAKSA GAPURA SAGARA <130-168 M> anu puseur dayeuhna Rajataputra,Kec. Mandalawangi <Kab. Pandeglang/BANTEN>. Rungkadna Kar. Salakanagara dina taun 363M, nalika diparentah Raja DEWAWARMAN VIII ti 34 8-363M. .............................. B. RAJA-RAJA TARUMANAGARA: Dina taun 358 M ngadeg Kar. TARUMANAGARA anu dirajaan ku JAYASINGHAWARMAN <minantu Raja Salakanagara ka VII>. Puseur dayeuhna di Bekasi. Kar. Tarumanagara diparentah ku 12 katurunan. Rungkadna Kar. Tarumanagara taun 669M nalika diparentah raja LINGGAWARMAN <666-669M>. .............................. C. RAJA2 SUNDA PAKUAN/BOGOR.<diparentah ku 34 Raja>. Raja munggaran kakasihna TARUSBAWA taun 669-723 M<minantu raja Tarumanagara pamungkas = Linggawarman>. Rungkadna karajaan ieu dina taun 1482 M nalika diparentah raja SUSUKTUNGGAL. Sangeusna karajaan ieu rungkad, ngadeg KARAJAAN PAJAJARAN di Pakuan BOGOR. RajanaSRIBADTGAMAHARAJA <Pr. Siliwangi> .... Rungkad taun 1579 M nalika diparentah raja Pr. Suryakancana. .... Saterusna BABAD BANTEN (.......NEPI KADIEU URANG TUNDA HEULA )Mugi mangpaat pikeun sarerea...

" TSC " <Tembang Sunda Cianjuran > Tahukah anda? - ahli musik Jepang brnama FUMIKO TAMURA mnyatakn bhw Cianjuran dan Degung adalah Seni Suara Terindah Sedunia ..." - Dr.HABIB TOUMA, Dir.Hause Kulturen Berlin, CHERIF KAZNADAR, Dir.Maison des cultures Paris, ROBERT VAN DEN BOS - Belanda, mereka mengatakan TSC sbg Kesenian Klasik Dunia sejajar dng karya2 STRAUSE,BACH,atau BETHOVEN. Tuh geuning...! Ku bgs deungeun mah sakitu diajenanana. Tapi naha atuh ku urang Sunda-na mah diapi-lainkeun ...

<Mangga urang sami2 ngahariring Tmb. Sunda Cianjuran...> Takdir teu beunang dipungkir, Kadar teu beunang disinglar, Rek cerewed da papasten, Kapaksa kedah paturay, Nyingkiran kanyenyerian, Nuju titirah disusul, Ku serat talak ti Engkang..." ( TSC Lrs. DEGUNG wanda JEJEMPLANGANdina Lg. JEMPLANG SERANG = Ceurik Oma )

PINASTI KERSANING HYANG WIDI ...! Paratos Mulih Ka Jati Mulang Ka Asal..... Mangga urang sami2 pada ngersakeun jajap pangdu'ana pikeun ka sadaya para wargi urang anu tiwas diTutugan Gunung SALAK - BOGOR. Mugi Gusti Nu Kawasa Ngapingan Di Alam Kalanggengan.

"SASAMBATNA KANIA" Asa teu dipikanyaah ... Asa teu dipikaasih.... Diri abdi ku anjeunna ..... Abong mimilikan diri ... Duh, kabina-bina teuing ... GAMPARAN sok awon semu ... Didamel lulumayan ... Abong kena seueur deui .... Padahal mah ......!

Mangga nyanggakeun kagegel ti si uyut pikeun ka para incu sadaya ..! "PUSPA ENDAH" Puspa endah, duh... di patamanan ..." Kuring sering, ieuh... ngalanglangan ..." Puspa endah, duh... nu mangkak ligar..." Hayang metik, na hate teu sabar..." Jamparing asih, melesat nu mawa endah..." Mentang rasa, naha bet hayang mibanda ..." Puspa... Puspa endah... Duh...! Puspa... Puspa endah ...! (Lg. PUSPA ENDAH, Lrs. DEGUNG, Gending BUNGUR)

Pikeun ka para Seuweu-Siwi SUNDA, hayu urang sami2 pada miasih Budaya urang. "H A M D A N" (Puji ka Gusti Allah - Lg. Cipt. Mang Koko, Lrs. Madenda, Tugu=4, Gend. Senggot) Hamdan lirobbil a'lamiin ... Allahu Rohmanur Rohiim ... Qod qoruba fathul mubiin ... Innahu huwas samiiul a'liim ... Puji kagungan Pangeran ... Nu Maha Welas tur Heman ... Gusti, pangmukakeun pura bagja ... Allahu ya Robbi, MantenNa Maha Uninga ... Sholawat... sholawatan .... Barokat ....... < Mangga atuh dilajengkeun ... >

Ass.wr.wb. Paralun nu kasuhun, rehna nembe ieu pisan kapareng deui nepangan ka para incu2 si uyut didieu. Kalintang pisan sonona, lami tara pasini tepung riung mangpaung di alak-paul. Kumaha nu kasep, nu gareulis teh, daramang bageur? Si uyut ngahaja kadieu teh kajurung ku rasa rumaos diri, hirup teh estuning kebek ku lampah nirca. Anu tangtos mah, salami si uyut sok ririungan ilubiung tur tatalapung didieu teh asa mustahil luput tina sgla kakirangan. Kantenan pisan aya bae nu teu karaos langkung saur bahe carek tea. Ku kituna, taya deui harepan si uyut lintang ti neda kaweningan atina pikeun kersa ngahapunten samudaya kalepatan lahir batin. WILUJENG BOBORAN SIAM 1 SYAWAL 1433 H.

Ka sadaya nu sami-sami lalinggih didieu, taya deui nu kapihatur iwal ti neda hapunten samudaya kalepatan lahir tumeka ing batin. WILUJENG BOBORAN SIAM 1 SYAWAL 1433 H.

Tawis diri neundeun tineung ka sadaya para incu. Apan geuning layung Ramadhan tek tos surup. Dipapag ku fajar Syawal. Wilujeng Boboran Siam 1 Syawal 1434 H. Minal Aidin wal Faidzin. Mugi hapunten lahir batin.

harewos leuir-leuir datangna ...pasini nu teu ngajadi, tanpa ucap nu nyoara

Hayang ceurik ngajerit maratan langit. Cua ku lampah sorangan, mikahayang sanes tanding. Sakapeung abdi sok mikir, Hayang gaduh elmu ngapung..! Si Pengkuh tangtuna beunang dijingjing diguwang-gawing. Rek diteundeun... Di mega nu pangluhurna. ( salam sono ka para incu si uyut )

Anjeun teh tebih tapi caket. Aya tapi teuaya. Saestuna urang sadaya ayeuna teh nuju aya dina kasamaran rasa. Naon anu katingal jeung karungu teh surtianeun ...

Manusa rasa KAMI KAMI rasa manusa Manusa teh wujud Sipat KAMI

Selamat jalan saudaraku. Engkau telah laksanakan tugas pengabdian hdupmu dengan baik sebagai pelopor pembaharuan dibidang pedalangan sunda. Semoga engkau mendapat kedamaian disisi Allah. Amiiin.

"midangdam" sareupna pinuh kasedih layung langit na mumunggang tongeret nyasaat hate sorana bet ngadareuda sada anu keur midangdam angin ngahiur di gunung nebak hate nu sungkawa ati peurih ku kasedih nalangsa taya kendatna taya keur mapaler hate inggis diri katambias tengah sagara sungkawa antukna diri kapahung kasaha nya geusan muntang

kudu kasaha" diteangan saha nu reueus nulungan dipaluruh kamana kuring balabuh

hareupeun kaca ngajanteng salila-lila lelembutan ngaharewos kuring teh saha.....?

Peuting teh ku sepi jempling matak jauh panineungan ngan gaang sada midangdam sada nu kanyenyerian

                Rupina mung sakitu nu kapihatur kintunan ti sim kuring, manawi sareng manawi ieu aya manfaatna kanggo saha wae anu maos seratan ieu. Hatur nuhun.