Lembur Singkur

Lembur Singkur

Karya: Aosin Suwadi 

Tuh di ditu di ujung panenjoan

Di lembur anu singkur banjar karang pamidangan

Pernahna di mumunggang sisi wahangan

Kenca katuhu lamping anu lungkawing 

Dipasieuk ku jentrengna kacapi gelikna sora suling

Recakna sada sato nu di handap jeung nu di luhur tangkal

Jeritna sora tonggeret lir ibarat nu kanyenyerian

Ngahudangkeun rasa jeung ngawawaas emutan sim kuring

Ngemutan mangsa ka tukang, nalika kuring masih di dinya 

Nagadadak anjeun ngolebat nembongan

Bruh breh ngabuka lambaran-lambaran kahirupan

patingkolebat taya nu kaliwat

Reup kuring peureum

tapi anjeun tetep ngolebat bari jeung ngadilak

Matak nyeredet jeung nyeblak kana hate

http://pix.com.ua/id/landscapes/america/american_wilderness/380001-upsee.html